Inspired by Iceland

VíkingaSushi

Ævintýrasigling

Fuglar, ferskt skeljasmakk, eyjarnar óteljandi, sagan og ógleymanleg ævintýri! - Allt árið.

VíkingaSushi Ævintýraferð (áður Ævintýrasigling Breiðafjarðar) er vinsælasta ferðin okkar. Þar er siglt um eyjarnar óteljandi, skyggnst inn í ævintýraheim Breiðafjarðar, skoðaðar fjölbreytilegar bergmyndanir, sögulegar slóðir og sterkustu sjávarfallastraumar við Íslandsstrendur.

Á sumrin iðar svæðið af fuglalífi og þá má meðal annars sjá toppskarfa, lunda, ritu, kríu, fýl, æðarkollu og stundum jafnvel haförninn, konung íslenskra fugla.

Hápunktur ferðarinnar er þegar plógur er settur út og upp koma ýmis skeldýr af botni sjávar: Hörpuskel, ígulker, krabbar, krossfiskar, sæbjúgu og margt annað. Sumt af þessu má borða beint upp úr sjónum eins og hörpuskel og ígulker. Boðið upp á viðeigandi sósur, soja, wasabi, engifer.

Gestir okkar fá tækifæri til að skoða gersemarnar..... en einnig smakka á hörpuskel og ígulkerjahrognum! Þorir þú? :-)

Einnig er 10% netbókunar-afsláttur

Ferðin tekur 2 tíma og 15 mínutur.

 

Afsláttur

Athugið frábæra fjölskylduafsláttinn okkar í Ævintýrasiglinguna:

Frítt fyrir börn 15 ára og yngri.
Helmingsafsláttur fyrir unglinga á aldrinum 16-20 ára.

Loading...

 

Myndagallerý